७ लाख तिरे मात्र पप्पु धरान बाट रिहा हुने ।

२०७०-०२-२०
फिल्मी अपडेट ,काठ्माण्डौ 


७ लाख तिरे मात्र पप्पु धरान बाट रिहा हुने । 
राष्ट्रिय चलचित्र महोत्सव लथालिङ्ग भएर सकिए पनि चलचित्र विकास बोर्डका अध्यक्ष धर्मेन्द्र मोरवैता पप्पुलाई भने स्थानीय आयोजकले धरानका होटलहरुको बाँकी नतिरेसम्म फर्किन नदिने भएका छन् । विभिन्न होटलमा बसेको र खाएको गरी जम्मा करिब ७ लाख रुपैयाँ तिर्न बाँकी छ ।
स्थानीय स्तरबाट १० लाख रुपैयाँ उठाउने भनिए पनि जम्मा ३४ हजार ५ सय मात्र उठेको छ । बोर्डले नतिरेपछि आफूलाई अफ्ठ्यारो पर्ने भन्दै स्थानीय आयोजक सदस्यहरुले पैसा नतिरेसम्म धरानबाट हिँड्न नदिने बताएपछि पप्पु यतिबेला धरानमै छन् ।

पप्पुलाई पैसा तिरेर मात्रै धरान छाड्न भनेको अनामका सदस्य सुवास थापा बताउँछन् । ‘यहाँ हुँदै मोबाइल अफ हुन्छ, भोलि के हो के हो, त्यसैले तिर्नू अनि धरान छाड्नू भनेका छौं ।’सदस्य सुवास थापाले भने ।


महोत्सवका लागि निर्माण गरेको मञ्चका लागि १ लाख ४० हजार,साउण्ड सिष्टमको ७५ हजार, स्वागतद्वार निर्माणमा २५ हजार तथा ब्यानर र पोष्टरमा १ लाख २८ हजार खर्च भएको बताइएको छ । त्यसबाहेक बोर्डले काठमाण्डौबाट ३ वटा गाडीको प्रतिगाडी जम्मा १ लाख दिने गरी ल्याएको बताइएको छ ।
थिए भने प्राविधिक संघका सदस्यहरु आफ्नै खर्चमा कञ्चनजंगा होटलमा पुगेर सुतेका थिए । महोत्सव सुरु भएको दिन शनिबारदेखि नै निर्माता, निर्देशकले व्वस्थापन बहिस्कार गर्दै आफ्नै खर्चमा खाने र बस्ने व्यवस्था गरेका थिए ।