अब कस्लाई तिरौं तिम्रो पाँच ह्जार रुपैया

केही दिन अघि आत्महत्या गरेकी नायिका जेसिका खड्कालाई पारिश्रमिक दिन नपाएकोमा एक जना निर्देशकलाई पछुतो लागेको छ । जेसिकाले अभिनय गरेको एउटा म्यूजिक भिडियोको पाँच हजार रुपैया पारिश्रमिक दिन नपाएकोमा निर्देशक कुमार केसीले पछुतो मानेका छन् ।
म्यूजिक भिडियोमा अभिनय गरे लगत्तै जेसिका भारतको दार्जिलिङ्ग गएपछि आफूले पारिश्रमिक दिन नपाएको निर्देशक केसीले बताए । आत्महत्या गरेको तीन दिन अघि आफूलाई जेसिकाले फोन गरेको सम्झँदै केसी भन्छन् ‘दाइ अरु केही नयाँ भिडियोमा पनि काम गर्न पर्‍यो भनेकी थिइन, पछि एकैचोटी आत्महत्या गरेको समाचार सुने निक्कै दुःख लाग्यो ।’


कुमार केसीले निर्देशन गरेको एकोहोरो हुन सिकायौं, मलाई सम्झी नरुनु हैं तिमी, र लाउन माया लाउ बोलको गीतमा जेसिकाले अभिनय गरेकी थिइन् । केसी भन्छन् ‘उनको अरु आनीबानी त थाहा भएन तर काम गर्दा निक्कै मिहेनती र लगनशील थिइन उनी । उनले आत्महत्या गरेको खवर पाएपछि निक्कै बेर उनले अभिनय गरेको म्यूजिक भिडियो हेरेँ ।’


स्रोत्= उज्यालो