डर्टी नायिका विद्या बालन बिबाह बन्धनमा

२०६९-०८-०१
फिल्मी अपडेट्,बलियुड ब्युरो

बलिउड नायिका करिना कपुर नायक सैफ अली खानसँग विवाह बन्धनमा बाँधिएको धेरै भएको छैन । अहिले भने बलिउडकी अर्की नायिका विद्या बालनको पनि यसैवर्षको डिसेम्बरमा बिहे हुने समाचार बाहिर आएको छ । विद्याको विवाह युटिभीका म्यानेजिङ डाईरेक्टर सिद्धार्थ राय कपुरसँग हुने खबर बाहिर आएको हो । उनीहरुको विवाह डिसेम्बरमा हुने लागेको स्रोतले दाबी गरेको छ । तथापी यस विषयमा विद्या र सिद्धार्थको जोडीले भने मिडियामा केही बताएका छैनन् ।

विद्याले सिद्धार्थसँग करिब २ वर्षअघि डेटिङ सुरु गरेकी थिइन् । त्यतिबेला गोप्य राखिएको यो सम्बन्धलाई विद्याले यसैवर्ष खुलासा गरेकी थिइन् भने आफूहरु चाँडै विवाह बन्धनमा बाँधिन लागेको पनि बताएकी थिइन् । स्रोतका अनुसार विद्या र सिद्धार्थको बिहे डिसेम्बरको दोस्रोसाता तय भएको दाबी गरिएको छ । तर, यसको आधिकारीक पुष्टी भने भएको छैन । स्रोतले विवाहको लागि यो जोडीले तयारी समेत गरेको दाबी गरेको छ । विवाहपछि यो जोडी २ हप्ताको लागि विदेश जान लागेको पनि जनाइएको छ ।

तर, यो जोडीको विवाहको कुनै कुरा खुलाइएको छैन भने विद्या र सिद्धार्थको तर्फबाट पनि यसको पुष्टी नभएको जनाइएको छ । बलिउड फिल्म ‘द डर्टी पिक्चर’बाट बलिउडमा फरक पहिचान बनाएकी विद्याको उचाई बलिउडमा बढ्दो छ । –

LIKE on Facebook !!!