सोनाक्षी रिशाउंदा जिल्ल परे शुभचिन्तक

२०६९-०८-१३

फिल्मी अपडेट्, एजेन्शी

आफ्नो मोटोजस्तै देखिने गोलो शरिरले सुन्दरी नायिकामा दरिएकी उनलाई केही दिनअघि मात्रै उनले बिज्ञापन खेल्ने एक लुगा कम्पनीले तौल घटाउन भनेको थियो ।
आफूले प्रबद्र्धन गर्दै आएको एक लुगा कम्पनीले तौल घटाउन आग्रह गरेपछि भारतीय अभिनेत्री सोनाक्षी सिंहको पारो तातेको छ ।

लुगा कम्पनीको यो आग्रहलाई सोनाक्षी रिसाएकी मात्र छैनन्, व्यक्तिगत जीवनमाथिको हस्तक्षेप भनेर प्रतिक्रिया दिएकी छिन् । दुब्लो पातलो शरिर बनाउन मरिमेट्ने बलिउड नायिकाबीच उनको शरिरको चर्चा हुने गरे पनि यसअघि कसैले पनि उनलाई तौल घटाउने सुझाव दिएका थिएनन् । कसैले उनको तौलबारे कुरा निकाल्दा उनी अप्ठेरो महशुस गर्थिन् ।
अब सोनाक्षीले आग्रह स्वीकार्दै तौल घटाउँछिन् कि आग्रह मान्दिनन् भन्ने हेर्न त बाँकी छ । तर, आफ्नो आग्रह स्वीकार नगरे कम्पनीले उनको विकल्प खोज्ने पक्का जस्तै छ । रिलिज हुने तयारीमा रहेको चलचित्र दबङ–२ मा उनी सलमान खानसँगै देखिंदैछिन् भने लुटर चलचित्रमा उनी रनबीर कपुरसँग देखिने छिन् । वन्स अपन अ टाइम इन मुम्बई–२ मा उनी अक्षयसँगै आउँने छिन् ।