चुनाबी माहोल / निर्माताहरुको मोबाईलमा एस एम एस को ओइरो

२०७०-०१-२१
फिल्मी अपडेट ,काठ्माण्डौ

चुनाबी माहोल / निर्माताहरुको मोबाईलमा एस एम एस को ओइरो 
नेपालि चलचित्रको बजार खस्केको बेला ,चलचित्रको हित र जगेर्ना गर्ने समय आएको बेला चलचित्र क्षेत्रको हित गर्ने भनेर खुलेका चलचित्र सरोकारका संघ सस्था हाल चुनाबी माहोलमा रहेका छन् ।
गत केहि दिन अघि नेपाल चलचित्र निर्देशक समाजको चुनाब सम्पन्न भयो  र अधक्ष्य दिनेश डिशी भए भने आज नेपाल चलचित्र निर्माता संघको चुनाब हुँदै छ ११ बजे बिहान होटल बैशाली ठमेल काठमाण्डौमा । जसका लागि सम्पूर्ण कार्य पुरा भैसकेको बताएका छन् कार्यसमिति सदस्य सुमन दाहालले ।

अहिले नेपालि चलचित्रका अधिकांश निर्माताहरुको मोबाईलमा "मलाई भोट दिनु म नि उठेको छु यो पटक "भन्दै उमेदवारी दिने निर्माताहरुको एस एम एस को ओईरो लागेको छ ।
फिल्मी अपडेट संग कुरा गर्दै गर्दा एक जना निर्माताको मोबाईलमा ६ ओटा भन्दा बढी भोट मागेको एस एम एस आएको थियो ।  हामीले तपाइको मोबाईलमा किन एस एम एस रिङ्ग मात्र बज्दै छ ? भनेर प्रश्न गर्दा निर्माताले भने "यो भोट माग्नेको एस एम एस हो"। फिल्मी अपडेटले सो निर्माता संग कुरा गरिरहंदा निर्मात्री कबिता श्रेष्ठको मात्र ३ ओटा एस एम एस लगातार एकै पटक आएको थियो ।

• चुनाबी अपडेटमा हाल सम्म दुई उपाध्यक्ष र कोषाध्यक्ष पद निर्विरोध भएको छ । उपाध्यक्षमा रोज राणा र उदय सुब्बा निर्विरोध पक्का भएको स्थिती रहेको छ ।
• कोषाध्यक्ष पदमा चाहि प्रज्ञा जोशीको मात्र उम्मेदवारी परेकोले उनी पनि पक्का भएकी छिन पदको लागि। स्मरण रहोश प्रज्ञा जोशीहालको कार्यसमितिमा कोषाध्यक्ष पदमा नै रहेकी छिन् ।  
• महासचिवमा सुरेश दर्पण पोखरेल र केशव भट्टराईको उम्मेदवारी रहेको छ ।
  याँहा कुरा बेग्लै छ सुरेश दर्पण पोखरेल राजकुमार राईको प्यानल हुन् भने केशव भट्टराई अशोक शर्माको प्यानलमा रहेका छन् । 
• त्यस्तै सचिव पदमा पनि दुवै प्यानलका उम्मेदवारहरुको घमाशान पक्का रहेको छ । अशोक शर्मा प्यानलका छवि ओझा हुन् भने राजकुमार राई प्यानलका सुशिल पोखरेल उम्मेदवारका रुपमा चुनाबी मैदानमा उभिएका छन् । 
• २ सय ४१ भोटर पक्का भएको चुनाबको लागि कार्यसमितिका लागि चुनाब बाट ९ आउने छन् यद्दपि उम्मेदवारी भने २० जनाको परेको छ ।
  
  
  
  

1. दिनेश पाख्रिन, 
2. डिक खड्का, 
3. राजेश घतानी, 
4. सुसन प्रजापति, 
5. माधव वाग्ले, 
6. विरेन श्रेष्ठ, 
7. सुनिल मानन्धर, 
8. प्रभु शम्शेर जबरा, 
9. मनिष पन्थ, 
10. बिक्रम शाह, 
11. उकेश दाहाल, 
12. कविता श्रेष्ठ, 
13. जेनी कुबँर, 
14. हरि बराल, 
15. नन्द किशोर श्रीवास्तव, 
16. सुनिल रावल, 
17. मोहन डोटेल, 
18. बिजय बस्नेत, 
19. गोविन्द शाही र 
20. करन श्रेष्ठ ।