संचारकर्मी सुब्रत आचार्य पनि चलचित्र निर्देशन गर्दै / चलचित्रको नाम ‘अधकट्टी’

२०७०-०२-०८
फिल्मी अपडेट ,काठ्माण्डौ

संचारकर्मी सुब्रत आचार्य पनि चलचित्र निर्देशन गर्दै / चलचित्रको नाम ‘अधकट्टी’ 
पछिल्लो समय नेपालि चलचित्र निर्माण र निर्देशनमा नेपाली संचारकर्मीहरु पनि अघि सर्न थालेका छन्  । चलचित्र बुझेर चलचित्र निर्माण गर्ने संचारकर्मीहरुले निर्माण गरेको चलचित्र अन्य निर्देशकहरुको भन्दा पृथक बन्ने गरेको छ र येस्तै पृथक र फरक चलचित्र निर्माण गर्ने भएका छन् संचारकर्मी सुब्रत आचार्यले ।

लामो समयदेखि कान्तिपुर साप्ताहिकमा रंग पत्रकारको रुपमा काम गरिसकेका सुव्रत आचार्य अब चलचित्रको निर्देशक हुने भएका छन् । सुब्रतालाई निर्देशक ऋषि लामिछाने र निर्देशक गणेश देब पाण्डेले निर्माणमा शहयोग गर्ने छन् ।

उनले अब चलचित्र ‘अधकट्टी’ बाट नेपाली चलाचित्र नगरीमा निर्देशकको ट्याग भिर्ने भएका हुन । निर्माता तथा
वितरक प्रदिप उदयले बनाउन लागेको उक्त चलचित्रको औपचारिक निर्माण घोषणा बुधबार राजधानीमा एक कार्यक्रमका बीच गरिएको थियो  । पूर्ण कमेडी फर्मुलामा निर्माण हुने चलचित्रमा कथा बिजय अधिकारीको रहने र चलचित्रको छायांकन भने साउनको दोश्रो साताबाट सुरु गरिने जानकारी निर्माणपक्षले दिएको छ । चलचित्र ५० लाखको लगानीमा निर्माण हुने भएको छ  ।