चलचित्र "निशानी" मा देखिदैछन नायक प्रशान्त तामाङ्ग

२०६९-०६-१५
फिल्मी अपडेट्,काठमाण्डौ

सरोज भण्डारी र ललिता धौबडेल सेरेङ्गको संयुक्त लगानी चलचित्र "निशानी" निर्माण भएको छ ।
निर्देशक बिनोद सेरेङ्गको निर्देशन रहेको मौलिक नेपाली कथामा आधारित भएर पुर्व तथा पश्चिम नेपालको सांस्कृतिक भावना तथा संवेदना यस चलचित्रले बोकेको छ ।

पल्टनको लाहुरेको कथा हो चलचित्र "निशानी" जहाँ कारगिल खलवार युद्धमा गोरखालीहरुले कसरी वीरगति प्राप्त गरेका छन त्यसको दृष्य यथार्थ चित्रणलाई यो चलचित्रमा देखाउन खोजिएको छ ।

पुर्वको ईलाम र पश्चिमको घले गाऊ, कन्याम चियाबारी लगायत भारतको दर्जेलिङ्ग र सिक्किमको रमणिय ठाउहरुमा छायांकन गरिएको यो चलचित्रमा कुनै समयका इण्डियन आईडल प्रशान्त तामाङ्ले अभिनय गरेका छन।
चलचित्रमा प्रशान्त तामाङ्गको स्वर मा गित पनि रहेको छ । युवराज राईले छायांकन गरेको यो चलचित्रमा गोविन्द राईको कोरियोग्राफ़ी रहेको छ भने द्वन्द निर्देशन जनक गुरुङ्गले गरेका छन।

मनोरञ्जन साथ साथै यो चलचित्रले नेपालको पर्यटन क्षेत्रको विशेषगरी ग्रामिण भेगको प्रचार प्रसार समेतमा राम्रो गर्नेछ भन्ने कुरामा चलचित्र युनिट ढुक्क भएको छ।