प्रदिप उदयको राजिनामा / राजिनामाको कारण व्यक्तिगत व्यस्तता

२०६९-०७-१५
फिल्मी अपडेट्,काठ्माण्डौ


चलचित्र संघका महासचिव प्रदिप उदयले अचानक पदबाट राजीनामा दिए ।  बिगत डेढ बर्ष देखि चलचित्र संघको महासचिबको पद सम्हाल्दै आएका प्रदीप उदयले अचानक पदबाट राजीनामा दिएका छन ।

व्यक्तिगत व्यस्ततालाई ध्यान दिदै प्रदिप उदयले राजिनामा दिएको उनले बताएकाछन तर स्रोतका अनुशार केही हलवाला र संघका पदाधिकारीसँग कुरा नमिलेपछि उनले नैतिकताका आधारमा राजीनामा दिएको खुल्न आएको छ ।

१९ कात्तिकदेखि लागू हुने गरी उदयले चलचित्र संघमा राजीनामा दिएका हुन् । संघ सिनेमा हलवालाहरुको संगठन हो ।  त्यो अवधिसम्म कुरा मिल्ने आशाले उनले राजीनामा लागू हुने समय राखेको स्रोतको भनाइ छ । यस विषयमा संघका कार्यवाहक अध्यक्ष वीरेन्द्रनारायण श्रेष्ठले उदय सँग  भेटेरै कुराकानी गरेपछि केही बताउन सक्ने प्रतिक्रिया दिएका छन ।

स्मरण रहोस प्रदिप  उदयको आफ्नै हल पनि रहेको छ साथै उनि नेपाली चलचित्रको छेत्रमा रेगुलर निर्माताको ट्याग भिरेका निर्माता हुन ।