२०६९-०४-१७
प्रणप सुबेदी
आगामी शुक्रबारदेखि देशभर 'सूर्य-चन्द्र' एकसाथ उदाउने भएको छ, फिल्महलमा । दीपक श्रेष्ठ निर्देशित उक्त फिल्ममा विराज भट्ट, सुवास मेचे, युना उप्रेती, मिथिला शर्मा, शोभाश्री श्रेष्ठ, अर्जुन श्रेष्ठ लगायत कलाकारले अभिनय गरेका छन् ।दुई दाजुभाइको कथामा बगेको उक्त फिल्मलाई राष्ट्रियताको रंग दिन खोजिएको बताइएको छ । पटकथा मौनता श्रेष्ठले लेखेको फिल्मलाई मुरारी पोखरेलले लगानी गरेका हुन् । ताराप्रकाश लिम्बूको संगीत रहेको 'चन्द्र-सूर्य' मा हिमाल केसीले द्वन्द्व निर्देशन गरेका छन् । फिल्मका बारेमा जानकारी दिन मंगलबार आयोजित कार्यक्रममा फिल्मका निर्देशकदेखि प्रमुख कलाकार नै अनुपस्थित रहे ।
प्रेमकथामा आधारित भन्ने शीर्षकबाटै खुल्ने 'लभ इज लाइफ' को पनि भदौ १ देखि देशभरबाट रिलिज हुने भएको छ । एल एन गौतमको निर्देशन रहेको फिल्मको गीत, पटकथा र संवाद भने शंकर अधिकारी 'घायल' ले गरेका हुन् ।
आयुष रिजाल, सुशान्त कार्की, आशा भुसाल, उमेश खड्का, स्मिता थपलिया, मोहन श्रेष्ठ, सुरवीर पण्डित लगायतको अभिनय रहेको फिल्मको छायांकन दिव्यराज सुवेदी र संगीत बसन्त सापकोटाले गरेका हुन् । कविराज गहतराज र शिव शर्माको कोरियोग्राफी रहेको छ ।
0 comments:
Post a Comment